کەشناسی هەرێم پێشبينييەکانی کەشوهەوای بڵاوکردەوە

کەشناسی هەرێم رايگەياند: “ئەمڕۆ لە شاری سلێمانی ئەگەری نمەباران هەيە و لە ناوچە شاخاوييەکان بڕی بارانبارين زياتر دەبێت”.

ئەمڕۆ دووشەممە، بەڕێوەبەرایەتی گشتی کەشناسی و بومەلەرزەزانی هەرێمی کوردستان پێشبينييەکانی کەشوهەوای بڵاوکردەوە و رايگەياند: ” بەپێی پێشبینییەکانی کەشناسی، لە ھەولێر بەرزترین پلەی گەرما 17 پلە و نزمترین هەشت پلە دەبێت، لە سلێمانی بەرزترين پلە 19 و نزمترين پلە پێنج دەبێت، دھۆک 17 پلە بە حەوت پلە دەبێت و کەرکوک 20 پلە بە نۆ پلە دەبێت”.

ئاماژەی بەوەشکرد: “بۆ سبەينێ پێشبينييەکانی کەشوهەوا بەجۆرێکە لە زۆربەی ناوچەکان ئاسمان نيمچە هەور و هەوری تەواو دەبێت لەگەڵ ئەگەری نمەباران لە هەندێک شوێن و کاتی جياوازدا”.

پێشتر، ئاسۆ کەمال، بەڕێوبەرى کەشناسی و بومەلەرزەزانى سلێمانى بە SNNی راگەیاند: تا ئێستا، بڕى 371ملم باران باریوە کە پار تاوەکو ئەم کاتە بڕى 495ملم باران باريبوو”.