خەزعەلی : ملکەچی فشارە سیاسییەکان مەبن
قەیس خەزعەلی
SNN
قەیس خەزعەلی، ئەمینداری گشتیی بزووتنەوەی عەسائیبی ئەهلی حەق داوا لە لایەنە سیاسییەکان دەکات ملکەچی فشارە سیاسییەکان نەبن، دەشڵێت: دەبێت لە بابەتی نەوت و بەشە بودجەی هەرێمی کوردستاندا پشت بە دەستوور ببەسترێت.
قەیس خەزعەلی، ئەمڕۆ هەینی لە هەژماری خۆیدا لە تۆڕی کۆمەڵایەتیی تویتەر رایگەیاند: “داوا لە برایان؛ ئەندامانی نیشتمانپەروەری پەرلەمان دەکەین، ملکەچی فشارە سیاسییەکان نەبن و بەرژەوەندیی عێراق و گەلەکەی پێش هەموو شتێک دابنێن، هەروەها لە بابەتی نەوت و بەشە بودجەی هەرێمدا پشت بە دەستوور ببەستن”.
ئەمە لە کاتێکدایە، شاندی حکومەتی هەرێمی کوردستان لەگەڵ لایەنە شیعەکانی نێو لیژنەی دارایی لە پەرلەمانی عێراق لەسەر بنەما سەرەکییەکانی بودجەی 2021 گەیشتوونەتە رێککەوتن.
ئەمشەو کاتژمێر 10 پەرلەمان دەنگ بە پرۆژەیاسای بودجە دەدات.
