وتەبێژی جێگری سەرۆکی حکومەت روونکردنەوە دەدات
SNN
سەمیر هەورامی رایگەیاند: چاوەڕێین ئەو رێككە‌وتنەی لە لیژنە‌ی دارایی پە‌سندكراوە لە کۆبوونەوەی هەفتەی داهاتووی پەرلەمانی عێراق پەسندبکرێت.
سەبارەت بە پرسی بودجە و شایستە‌كانی ھە‌رێمی كوردستان، پاش ئەوەی کۆبوونەوەی پەرلەمانی عێراق بۆ رۆژی 27-3-2021 دواخرا، سەمیر ھە‌ورامی، گوتە‌بێژی قوباد تاڵە‌بانی، جێگری سە‌رۆكی حکومەتی هەرێمی کوردستان و سە‌رۆكی شاندی دانوستاندنکار لەگەڵ بەغدا، رایگەیاند: “شاندی حكومە‌تی ھە‌رێمی کوردستان دوێنی رێككە‌وتنی لەگەڵ لایە‌نە پە‌یوە‌ندیدارە‌كان ئە‌نجام دا و دواتر ئەو رێككە‌وتنە لە لیژنە‌ی دارایی پە‌سند كرا. ئێستاش چاوەڕێین ئەو دە‌قە لەگەڵ کۆی یاساکە لە‌لایە‌ن ئەنجوومەنی نوێنە‌ران لە دانیشتنی ھە‌فتە‌ی داھاتوو پە‌سند بكرێت”.
بەگوتەی سەمیر هەورامی، ھە‌فتە‌ی داھاتوو پێش ئە‌نجامدانی كۆبوونە‌وە‌كە شاندی حكومە‌تی ھە‌رێمی کوردستان دە‌گە‌ڕێتە‌وە بەغدا و “درێژە بە ھە‌وڵە‌كانی دەدات بۆ تێپەڕاندی ئەو دە‌قە‌ی رێككە‌وتنی لەسەر كراوە لە‌لایە‌ن ئەنجوومەنی نوێنە‌رانی عێراق”.
