بەشە خۆراکی خەڵک بۆ مانگی رەمەزان زیاد کرا
فۆڕمی خۆراک
SNN
وەزارەتی بازرگانیی عێراق ئەمڕۆ سێشەممە رایگەیاند “لە پاڵ ماددە بنچینەییەکاندا هەموو سەر خێزانێک بڕی 5 کیلۆ ئاردی سفر وەردەگرێت”.
ئەسیر داود بەڕێوەبەری کۆمپانیای دانەوێڵەی سەربە وەزارەتی بازرگانی عێراق دەڵێت: “پێویستە هەموو بریکارەکانی خۆراک لیستی بەشە ئاردی سێیەم و ئاردە سفرەکە لە وەزارەت وەربگرن و لە پارێزگاکانی خۆیان سەردانی لایەنی پەیوەندیدار بکەن بۆ ئەو مەبەستە”.
لە چەند رۆژی رابردوودا سەرۆکوەزیرانى عێراق فەرمانى بە وەزارەتى بازرگانى کرد ئەوپەڕى ئامادەباشى بکەن بۆ دابینکردنى تەواوى ماددەکانى بەشە خۆراک و دابینکردنى بەشە خۆراکى زیادەی مانگانە بۆ مانگی رەمەزانی پیرۆز.
کازمى فەرمانیکردووە بە دام و دەزگا ئەمنییەکان رێگرى بکەن لە یاریکردن بە نرخ و ماددەکانى بەشە خۆراک و رێوشوێنى سزادان بەرانبەر هەر کەسێک دەگیرێتەبەر کە دۆخەکە بقۆزێتەوە و نرخى ماددە خۆراکییەکان بەرزبکاتەوە”.
