بەهۆی داخرانی نۆکەندی سویس نرخی نەوت بەرزبووەوە

SNN

لەکاتێکدا کە ماوەی سێ رۆژە کەشتییەکی بارهەڵگر لە نۆکەندی سویس گیریخواردووە و گرفتی هاتووچۆی بۆ کەشتییەکان دروستکردووە، نرخی نەوت بەرزبووەوە.

ئەمڕۆ، بەهۆی گیرانی نۆکەندنی سوێسەوە نرخی نەوتی خاوی برێنت 2.12% بەرزبوەوە و 64 دۆلاری تێپەڕاند.

نرخی نەوتی خاوی ئەمریکیش گەیشتووەتە 61.12 دۆلار.

ئەمە لەکاتێکدایە ماوەی سێ رۆژە گیرخورادنی کەشتییەک لە نۆکەندی سویس گرفتی هاتووچۆی بۆ کەشتییەکان دروستکردووە و زیانی ئابووری بە چەندین وڵات گەیاندووە، لە نێویشیاندا چین و ئەمریکا و وڵاتانی ئەوروپا.