سایلۆی سلێمانی: دووشەممە چەکی پارەی گەنمی 2020 دابەشدەکرێت

SNN

سایلۆی سلێمانی رايگەياند: “رۆژی دووشەممە چەکی پارەی ئەو جوتیارانە دابەش دەکرێت کە لە 30ی حوزەیرانی 2020 گەنمیان رادەستی سایلۆی سلێمانی کردووە”.

سایلۆی سلێمانی لە راگەيەندراوێکدا بڵاويکردەوە: “ئەو جوتیارانەی کە ڕۆژی 30ی حوزەیرانی 2020 گەنمیان رادەستی سایلۆی سلێمانی کردووە رۆژی دووشەممە 29ی ئازار، ژمارە کارتی 958 سەردانی هۆبەی ژمێریاری بەڕێوەبەرایەتیەکەمان بکەن بە مەبەستی وەرگرتنی چەکی پارەکانیان”.

دەشڵێت “بەهۆی سەرقاڵی بانکەکان بە دابەشکردنی موچەی فەرمانبەران “داواکارین رۆژی یەکشەممە 28ی ئازارسەردانمان نەکەن بۆ وەرگرتنی چەک چونکە چەک دابەش ناکرێت”.

باسی لەوەشکردووە: “ئەو جوتیارانەی لە ساڵەکانی 2014/2015/2016 گەنمیان رادەستی سایلۆکان کردووە وەکالەتیان بۆ کراوەتەوە وەکالەتەکانیان تازە بکەنەوە بۆ ساڵی 2021، ئەو کەسانەی کە کۆچی دواییان کردووە لە رێگەی دادگاکانەوە قەصام قانونی دەربێنن و وەکالەت بۆ یەکێک لە وارسەکانیان بکەنەوە بەمەبەستی وەرگرتنی چەکی پارەی ئەو شایستە داراییانەی کە بۆیان دیاریکراوە”.