“سەرۆکایەتی پەرلەمان لەگەڵ لیژنەی دارایی و فراکسیۆنەکان لەکۆبوونەوەدان”

SNN
ئەندامێکی پەرلەمانی عێراق بە SNNی راگەياند: ” لەئێستادا سەرۆکایەتی پەرلەمان، لیژنەی دارایی و سەرۆکی فراکسیۆنەکان لەکۆبوونەوەدان، ئێمە چاوەڕێدەکەين کۆبوونەوەی پەرلەمان دەستپێبکات”.

ڕێزان شێخ دلێر ئەندامی پەرلەمانی عێراق لە فراکسيۆنی يەکێتی بە SNNی راگەياند: “پێدەچێت کاتژمێر نۆ کۆبونەوەی پەرلەمان دەستپێبکات و لە ئێستادا چاوەڕوانی تەواو بونی کۆبوونەوەی سەرۆکايەتی پەرلەمان دەکەين”.

سەبارەت بە ئەگەری هەڵوەشانەوەی رێککەوتنەکە لە پەرلەمانی وتی “ليژنەی دارايی لەسەر پشکی کورد لە پڕۆژەياسای بودجە رێککەوتووە و ئەگەر بێتە پەرلەمان هەڵناوەشێتەوە”.

ئێوارەی ئەمڕۆ ئەحمەد سەفار بڕياردەری ليژنەی دارايی لە پەرلەمانی عێراق رايگەياند: “لەسەر ماددەی 11ی پرۆژەياسای بودجە سەبارەت بە پشکی کورد رێککەوتووين، وتيشی “هەرێم پابەند دەبێت بە رادەستکردنی داهاتی 250 هەزار بەرميل نەوت و نيوەی داهاتی نانەوتی، ئەگەر هەرێم پابەند نەبێت بەغدا بەشە بودجەی نانێرێت”.