موقتەدا سەدر: نابێت پەسەندکردنی بودجە دوابکەوێت

SNN
رێبەری رەوتی سەدر رايگەياند: “نابێت چیتر پەسەندکردنی بودجەی گشتی عیراق دوابکەوێت”، داواشدەکات “بەزووترين کات بڕياری کۆتای بدرێت”.

موقتەدا سەدر رێبەری رەوتی سەدر، کە خاوەنی گەورەترین کوتلەیە لە پەرلەمانی عیراق، لە تويتێکدا هۆشداریدەدات و نوسيويەتی: “نابێت چیتر پەسەندکردنی بودجەی گشتیی عیراق دوابکەوێت”.

موقتەدا سەدر ئاماژەی بەوەشکردووە: “جارێکی تر دەبینین ئەنجومەنی نوێنەران بەهۆی جیاوازی سیاسی و حزبی و تایفی و نەتەوەييەوە شکستی هێناوە لەدەنگدان بەبودجەکەی”.

داواشدەکات “جیاوازییەکانتان لەبیربکەن و بە زووترین کات بڕیاری کۆتایی بدەن”.

سەدر هۆشداریش دەدات کە “چیتر نابێت پەسەندکردنی بودجە لەمە زیاتر دوابکەوێت”، دەشڵێت “سوپاسی هەڵوێستی کوتلەی سائیرون دەکەم”، کە کوتلەی حزبەکەی خۆیەتی و خاوەنی زۆرترین کورسی پەرلەمانن.