پەرلەمانتارێک سێ پێشنیاز دەکات بۆ رێگریکردن لە بەرزبوونەوەی نرخی شتومەک لە بازاڕەکاندا

SNN

نەدا شاکر ئەندامی لیژنەی دارایی لە ئەنجوومەنی نوێنەرانی عێراق، سێ پێشنیاز بۆ پەرلەمان و وەزارەتی بازرگانی دەکات تا لە رێگەیانەوە بتوانرێت رێگریبکرێت لە بەرزبوونەوەی نرخی شمەک لە بازاڕەکانی عێراقدا.

نەدا بە میدیا عێراقییەکانی راگەیاند: حکومەتی عێراق دەتوانێت، رێگەچارەیەکی گونجاو بدۆزێتەوە بۆ دروستکردنی بەربەستێک بۆ بەرزبوونەوەی نرخ، لەگەڵ بوونی خۆراک و ماددەی زیاتر لە فۆڕمی خۆراک کە هاووڵاتیان مانگانە وەریدەگرن لەگەڵ لێپێچینەوەی زۆر قورس بۆ ئەو کەسانەی کە بە ئەنقەست نرخەکان بەرزدەکەنەوە.

ئاماژەی بەوەشکرد: ماوەی چەندین هەفتەیە نرخی دۆلار لەلایەن بانکی ناوەندییەوە جێگیرکراوە لە 145 هەزاردا، بەڵام بازرگان و دوکاندارەکان هەر رۆژە و کاڵا و شمەک بە نرخێک دەفرۆشن و بەردەوامن لە بەرزکردنەوەی نرخی کاڵاکانیان، ئەمەش وا دەکات چینێکی زۆری عێراقی و هاووڵاتیان زەرەرمەندبن.

روونیشیکردەوە: بەرزبوونەوەی بەهای دۆلار تەنیا ماددە خۆراکییەکانی بەرزنەکردووەتەوە، بەڵکو بووەتە هۆی گرانبوونی نرخی گواستنەوە و خزمەتگوزارییە ئەهلییەکان و کە هەندێکیان هیچ پەیوەندییەکیان بە بەهای دۆلارەوە نییە کە بەرزبووەتەوە بۆیە پێویستە حکومەتی عێراق بەزووترین کات رێگەچارەیەکی ئابووری گونجا و لەگەڵ سزادانی بازرگانە چاوچنۆکەکان بگرێتە بەر.