سەگەکەی بایدن دووبارە پەلاماری کارمەندێکی کۆشکی سپی دا

SNN

ئاژانسی هەوڵی رۆیتەرز بڵاویكرده‌وه‌، سه‌گه‌كه‌ی “جۆ بایدن” سه‌رۆكی ئه‌مه‌ریكا و هاوسه‌ره‌كه‌ی “جیل” پڕیداوه‌ته‌ پیاوێك له‌ كۆشكی سپی.

مایكل لاروزا، وته‌بێژی خانمی یه‌كه‌می ئه‌مه‌ریكا ئاماژه‌ی به‌وه‌ كرد، رووداوه‌كه‌ له‌ باخچه‌ی باشووری كۆشكی سپی روویداوه‌، قوربانییه‌كه‌ له‌ باخچه‌ی نیشتمانی خه‌ریكی كاركردن بووه‌، “مێجه‌ر” كه‌ ناوی سه‌گه‌كه‌یه‌، له‌كاتی گه‌ڕانی به‌ناو باخچه‌كه‌دا پڕیداوه‌ته‌وه‌ كه‌سێك، له‌لایه‌ن خزمه‌تگوزاری پزیشكیی كۆشكی سپییه‌وه‌ پشكنین بۆ پیاوه‌كه‌ كراوه‌، هیچ زیانێكی مه‌ترسیداری به‌رنه‌كه‌وتووه‌ و بۆ سه‌ر كاره‌كه‌ی گه‌ڕاوه‌ته‌وه.

پێشتریش له‌ (9)ی مانگی رابردوو،‌ “مێجه‌ر” هێرشیكردووه‌ته‌ سه‌ر كارمه‌ندێك له‌ كۆشكی سپی، یه‌كه‌ی پزیشكی یارمه‌تی پیاوه‌كه‌یان دابوو و پێویستی به‌ نه‌خۆشخانه‌ش نه‌بووه‌.

بایدن و هاوسه‌ره‌كه‌ی دوو سه‌گیان هه‌یه‌، “مێجه‌ر” و “چامپ”، ئه‌و دوو سه‌گه‌ دوای چه‌ند رۆژێك له‌ ده‌ستبه‌كاربوونی بایدن له‌ (20ی كانوونی دووه‌م/ یه‌نایه‌ری 2021) هاتنه‌ ناو كۆشكی سپییه‌وه‌.

President Joe Biden and first lady Jill Biden’s dogs Champ, right, and Major are seen on the South Lawn of the White House in Washington, Wednesday, March 31, 2021. (Mandel Ngan/Pool via AP)