روسيا: پشتگيری لە سەقامگيری ئوردن دەکەين

SNN

وەزارەتی دەرەوەی روسيا لەبارەی هەوڵی کودەتاکەی ئوردن هاتەدەنگ و رايگەياند: “پشتگيری لە سەقامگيری ئوردن دەکەين”. 

میخائیل بۆگدانۆڤ جێگری وەزیری دەرەوەی روسیا، پشتیوانی مۆسکۆی بۆ پاراستنی سەقامگیری و ئاسایشی ئوردن دوپاتکردەوە، هەروەها باسی لەوەکرد “روسیا دۆستایەتی لەمێژینەی لەگەڵ شانشینیەکەدا هەیە”.

وتيشی “ئێمە پشتگيری سەقامگيری و ئاسايشی ئوردن دەکەين، چونکە وڵاتێکە کە ئێمە پەيوەندی مێژوويمان لەگەڵی هەيە، هيوادارين سەروەر و سەقامگير و خۆشگوزەران بێت بۆ بەدەستهێنانی بەرەوپێشچوونی کۆمەڵايەتی و ئابووری”.

جێگری وەزيری دەرەوەی روسيا باسی لەوەشکرد: “ئێمە بەگشتی پەيوەندييەکانمان لەگەڵ ئوردن باشە، هەروەها لەگەڵ شا عەبدوڵای دووەم باشين”.

دوێنێ، ئەیمەن ئەلسەفەدی جێگری سەرۆک وەزیران و وەزیری دەرەوەی ئوردن رایگه‌یاند: “بەتۆمەتی هەوڵی کودەتای سه‌ربازی ئەو کەسانەی ‌نزیکن لە شازادە حەمزە دەستگیرکراون كه‌ ژماره‌یان 16 کەسه‌”.