ئێران دەستگیر کردنی ژمارەیەک سیخوڕی ئیسرائیلی راگەیاند

SNN

ئاژانسی هەواڵی فارس-ی ئێرانی بڵاویکردووەتەوە “دەسەڵاتدارانی تاران لە پارێزگای ئازەربایجانی باکوری وڵات ژمارەیەک سیخوڕیان دەستگیر کردووە کە پەیوەندییان بە دەزگایەکی هەواڵگریی بیانییەوە هەبووە”.

ئاژانسی هەواڵگریی ئێران لە پارێزگای ئازەربایجانی خۆرهەڵات دەڵێت: “ئەو سیخوڕانە بۆ بەرژەوەندیی ئیسرائیل کاریانکردووە و بەنهێنی کاریان لەگەڵ کردوون”.

پێشتریش ئێران رووداوی هاوشێوەی ئاشکرا کردووە و پارێزەرێک بەناوی سەعید دەهقان کە پارێزەری بنیامین بریێری گەشتیاری فەڕەنسییە و ماوەی 10 مانگە دەستگیر کراوە، دەڵێت: “تۆمەتەکان دژی کرێگرتەکەم ئەوەیە کە بۆ وڵاتێکی دەرەوە کاریکردووە”.

دەهقان رایگەیاندووە “کە ئەو گەشتیارە فەڕەنسییە بە تۆمەتی سیخوڕی و پڕوپاگەندە دژی کۆماری ئیسلامیی ئێران رەنگە بۆ ماوەیەکی درێژ بەند بکرێت”.