“لە خۆپيشاندانەکانی ميانماردا 570کەس کوژراوە”
ميانمار
SNN
ژمارهی ئهوکەسانهی لە خۆپیشاندانەکەی ميانمار دژبە كودهتا سهربازییهكهی ئەو وڵاتە و دهستگیركردنی ئهندامانی حكومهت، گهیشته 570 كهس.
کۆمەڵەی هاوکاریکردنی زیندانییە سیاسییەکان لە میانمار له راپۆرتی رۆژانهی خۆیدا ئاماژهی بهوهکردووە: ” له 24 كاتژمێری رابردوودا، شهش كهسی دیكه کوژراون، بهم جۆرهیش له دهستپێكی خۆپیشاندانهكانهوه تا ئێستا 570 كهس كوژراون”.
له راپۆرتهكهدا، ههروەها تیشك خراوهته سهر ئهوهی “دوو ههزار و 728 كهس دهستگیركراون و بڕیاری دهستگیركردنیش بۆ 443 كهسی دیكه دهرچووه”.
بەرەبەيانی يەکی شوبات سوپای ميانمار کودەتای سەربازی بەسەر حکومەتی ئەو وڵاتەدا کرد و باری نائاسای راگەياند، لەدوای کودەتاکەش سوپا ئونگ سان سووچی سەرۆکی پارتی بزوتنەوەی نیشتمانی دەسەڵاتدار و سەرجەم بەرپرسانی ئەو پارتەیان دەستگیرکرد، بەبیانوی ئەوەی ساختەکاريان لەدوایین هەڵبژاردنی پەرلەمانیدا کردووە.
لە رۆژی شەشی شوباتی ئەمساڵەوە، هاووڵاتیانی میانمار بۆ گەڕاندنەوەی دیموکراسی خۆپیشاندانیان دەستپێکردووە و توندوتيژی و برينداری لێکەوتووەتەوە.
