بەرهەم ساڵح واژووی لەسەر پرۆژەیاسای بودجەی 2021ی عێراق کرد
بەرهەم ساڵح
SNN
ئەمڕۆ پێنجشەممە، بەرهەم ساڵح سەرۆککۆماری عێراق واژووی لەسەر پرۆژەیاسای بودجەی 2021ی عێراق کرد.
سەرۆکۆماری عێراق دوای واژووکردنەکە رایگەیاند: واژووکردنی بودجە بۆ دابینکردنی پێداویستییە گرنگەکانی گەلەکەمانە لە عێراق، لەگەڵ دابینکردنی مووچەی فەرمانبەران و خانەنشینای عێراق، لەگەڵ خەرجییە گرنگەکانی حکومەت.
هەروەها بەرهەم ساڵح جەختی لە گرنگی چاکسازی دارایی و ئابووری کردەوە لەگەڵ پشتیوانی کەرتە ئابوورییەکان کە هاوکار دەبێت بۆ گەشەسەندن و پێشکەوتن، لەگەڵ ئەوەشدا باسی لە گرنگی پرۆژەیاسای بودجە کرد کە هەنگاوێکی گرنگە بۆ دابنکردنی پێداویستییەکانی هاووڵاتیان و ئاوەدانکردنەوەی وڵات لەگەڵ فەراهەمکردنی هەلی کار بۆ لاوانی وڵات و لەگەڵ بەردەوامیدا دان بە رێگەی چاکسازی و رووبەڕووبوونەوەی گەندەڵی.
دوای دەنگدان لەسەر پرۆژەیاسای بودجەی 2021ی عێراق لە ئەنجوومەنی نوێنەران پرۆژەکە ئاراستەی سەرۆکایەتی کۆماری عێراق کراو ئەمڕۆ پێنجشەممە 8ی نیسان بەرهەم ساڵح واژووی لەسەر کرد.
