کۆمسیۆنی هەڵبژاردنەکان لەگەڵ کۆمپانیایەکی ئەڵمانی گرێبەستدەکات بۆ پشکنینی ئامێرەکانی دەنگدان

SNN

کۆمسیۆنی باڵای سەربەخۆی هەڵبژاردنەکانی عێراق بەمەبەستی پشکنینی بەرنامەی ئامێرەکانی دەنگدان، گرێبەست لەگەڵ کۆمپانیای HENSOLDIی ئەڵمانی ئیمزا دەکات.

لەبەیاننامەیەکدا کۆمسیۆنەکە دەڵێت: “بە رەزامەندی ئەنجوومەنی وەزیران، 20٪ی پێشەکی پارەی گرێبەستەکە دەدرێتە ئەو کۆمپانیایە و دوای تەواوبوونی کارەکانی، ئەو پارەیەی دەمێنێتەوە خەرجدەکرێت بۆ کۆمپانیا ئەڵمانییەکە”.

دەشڵێت “کۆمپانیای HENSOLDIی ئەڵمانی لەلایەن نەتەوە یەکگرتووەکانەوە باوەڕپێکراوە و ئامێرەکانی پشکنین و هەژماری دەنگەکان دەستپێردرێت پێیان تا لە خێرایی و ژمێرەی تەواوی دەنگەکان دڵنیاببینەوە”.

چاوەڕێدەکرێت رۆژی 10ی مانگی 10ی داهاتوو هەڵبژاردنی پەرلەمانیی لە عێراق بەڕێوەبچێت، هێشتا ئەنجامدانی ئەو پرۆسەیە گریمانەیە و بڕیار بوو 21ی مانگی حوزەیران بەڕێوەبچێت، بەڵام دواخرا بۆ مانگی 10ی ئەمساڵ.