لە فەڕەنسا یاریگەیەکی تۆپی پێ بۆ کوتان دژی کۆرۆنا تەرخاندەکرێت

SNN

دوای چاوەڕوانییەکی چەند مانگە یاریگەی نێودەوڵەتیی (ستاد دی فڕانس) تەرخاندەکرێت بۆ پرۆسەی کوتان دژی ڤایرۆسی کۆرۆنا، هەفتانە 10 هەزار کەس ڤاکسین وەردەگرێت و 6 رۆژ لە هەفتەیەکدا کاری تێدا دەکرێت.

زۆرترین ئەو ناوچانەی لە شاری پاریس زەرەرمەند بوون بە کۆرۆنا، خەڵکی ناوچەی سان دۆنی-ن کە یاریگەکەی تێدایە و لە رۆژێکدا 800 کەس تووشی کۆرۆنا بوون لەو ناوچەیە لە کۆی 100 هەزار کەس.

لە ئێستادا فەڕەنسا کار بۆ ئەوە دەکات زۆرترین کەس لە خەڵوەتگەکان و خانەکانی چاودێریی کۆمەڵایەتی بکوتێت کە تەمەنیان لە 70 ساڵ بەرەو ژوورە.

لەم یاریگەیە خەڵک بە ڤاکسینەکانی مۆدێرنا و فایزەر دەکوترێن، ئەو یاریگەیەی فەڕەنسییەکانی کردە یەکەمی جیهان لە مۆندیالی ساڵی 1998 دا، کە رەنگە ئەمجارە جیاواز ئاهەنگی تێدا بگێڕن و بۆ سەرکەوتن بێت بەسەر کۆرۆنادا.