تورکیا کاروانێکی دیکەی مووشەکی S400 ڕووسی دەکرێت
سیستمی-بەرگری
SNN
وه‌زیری ده‌ره‌وه‌ی توركیا رایگه‌یاند: وڵاته‌كه‌ی خه‌ریكی دانووستانه له‌باره‌ی كڕینی كاروانێكی دیكه‌ی سیسته‌می مووشه‌كی “ئێس 400″ی رووسی.
چاوشئۆغلو ئاماژه‌ی به‌وه‌كرد، ئیداره‌كانی توركیا، به تایبه‌تی وه‌زاره‌تی به‌رگری ئێستا خه‌ریكی گفتوگۆن له باره‌ی كڕینی كاروانی دووه‌می سیسته‌می مووشه‌كی له‌لایه‌ن رووسیاوه.
له‌وباره‌یه‌وه، وه‌زیری ده‌ره‌وه ره‌خنه‌ی له ئه‌مه‌ریكا گرت له‌سه‌ر ئه‌و هه‌ڵوێسته‌ی له‌سه‌ر كڕینی سیسته‌می به‌رگری رووسی هه‌یانه، ئاماژه‌ی به‌وه كرد، ئه‌نقه‌ره پێویستی به‌و سیسته‌مه مووشه‌كییه هه‌یه و كڕیویه‌تی، ره‌خنه‌گرتنی واشنتن بۆ مامه‌ڵه‌یه هه‌ڵه‌یه.
ئاماژه‌ی به‌وه‌ش كرد، ئه‌گه‌ر ئه‌مه‌ریكا ده‌یه‌وێت توركیا چه‌كی لێبكڕێت، پێویسته به نرخی گونجاو و مه‌رجی باشتر بێته پێشه‌وه.
ئه‌نتۆنی بلینكن، وه‌زیری ده‌ره‌وه‌ی ئه‌مه‌ریكا داوای له هاوتا توركییه‌كه‌ی كرد، ده‌ستبه‌رداری سیسته‌می مووشه‌كی “ئێس 400” ببن، به‌ڵام چاوشئۆغلو روونیكرده‌وه، مامه‌ڵه‌كه‌مان له‌گه‌ڵ رووسیا ته‌واو بووه، دووباره رامانگه‌یاند بۆچی توركیا سیسته‌می مووشه‌كی “ئێس 400″ی كڕیوه، ئێستاش ئه‌و كاره ته‌واو بووه.
وه‌زیری ده‌ره‌وه‌ی توركیا روونیشكرده‌وه، فرۆشتنی فڕۆكه‌ی بێفڕۆكه‌وان به ئۆكرانیا، دژایه‌تیكردنی رووسیا نییه، له‌به‌ر ئه‌وه‌ی ئه‌نقه‌ره په‌یوه‌ندییه‌كی باشی له‌گه‌ڵ هه‌ر دوو وڵات هه‌یه.
