کازمی خۆی بۆ هەڵبژاردنی عێراق کاندید ناکات
مستەفا کازمی
SNN
سەرچاوەیەکی حکومی نزیک لە سەرۆکوەزیرانی عێراق بە RTی وتووە کە مستەفا کازمی و تیمەکەی بەنیازنین بەشداری لە هەڵبژاردنی پەرلەمانی عێراق بکەن.
ئەو سەرچاوەیە وتوویەتی: “کازمی لەمێژە بڕیاریداوە کە بەشداری هەڵبژاردن نەکات و دوێنێش بە فەرمی ئەوە یەکلاکراوەتەوە، جگە لەو تیمەکەی و نوسینگەکەی و کەسانی دیکەی نزیک لەخۆی بەشداری هەڵبژاردن ناکەن، کازمی پشتگیری لە هیچ حزبێکی بەشداربوو لە هەڵبژاردنەکەش ناکات.
ئەو بەرپرسە وتوشیەتی: “حکومەتی ئێستای عێراق دەرئەنجامی قەیرانێکی کۆمەڵایەتییە و نابێتە رکابەری هەڵبژاردن”.
پێشتر لە لێدوانێکیدا کازمی وتبووی: “ڕۆڵی من بریتیە لە گەیاندنی وڵات بە کەناری ئارام و پارێزگاریکردنی لە سەرکێشییە سیاسیی و ئەمنییەکان و ئاڵنگارییە ئابوری و تەندروستییەکان بۆ گەیشتن بە ئەنجامدانی هەڵبژاردنێکی پاک کە حکومەتێکی لێبکەوێتەوە چاودێری بەرژەوەندی هەموان بکات”.
