رەخنەیەکی زەریف لە سولەیمانی حکومەتی ئێرانی نیگەرانکردووە

SNN

دوای ئەوەی تۆمارێکی دەنگی محەمەد جەواد زەریف وەزیری دەرەوەی ئێران بڵاوبووەوە کە تیایدا رەخنە لە قاسم سولەیمانی فەرماندەی کوژراوی فەیلەقی قودس دەگرێت، حکومەتی ئێران لێکۆڵینەوەی لەبارەی ئەو تۆمارە دەنگیە دەستپێکردووە و زەریفیش بانگهێشتی پەرلەمانی ئێران دەکرێت.

حەسەن روحانی سەرۆکی ئێران فەرمانیکردووە ئەو کەسە ئاشکرابکرێت کە تۆمارێکی دەنگی جەواد زەریفی دزەپێکردووە کە درێژیەکەی سێ کاتژمێرە، قسەکانی جەواد زەریف کە بەشێکی رەخنە بووە لە سولەیمانی ناڕەزایی زۆری محافزکارەکانی وڵاتەکەی بەدوای خۆیدا هێناوە.

لە تۆمارەکەدا زەریف دەڵێت: “من باجی هەوڵە دیپلۆماسییەکانم دا لەپێناو کەرتی سەربازیدا لەکاتێکدا دەبوو کەرتی سەربازی لە خزمەتی دیپلۆماسیەتدا ببوایە” دواتر ئەم تۆمارە لە میدیایەکی ئێرانییەوە بڵاوکرایەوە.

عەلی رەبیعی وتەبێژی سەرۆکایەتی ئێران دەڵێت: “پێمانوایە ئەمە پیلانگێڕییەکە دژ بە حکومەتی ئێران و بەرژەوەندییەکانی وڵات”.