وەزیری بەرگری ئەمریکا ” دەبێت وڵاتەکەمان ئامادەکاری بۆ شەڕی جیاواز بکات”
لوید ئۆستن وەزیری بەرگری ئەمریکا
SNN
وەزیری بەرگریی ئەمەریکا شەممە، 1ی ئامار، رایگەیاند: دەبێت وڵاتەكەی لە داهاتوودا ئامادەکاری بۆ شەڕی زۆر جیاواز بکات.
لۆید ئۆستن، وەزیری بەرگریی ئەمەریکا، لە وتارێکیدا جەختی لەسەر پێویستیی درووستکردنی تێڕوانینێكی نوێ لە سیاسەتی بەرگریی وڵاته‌كه‌ی كرده‌وه و رایگەیاند: ئەمەریکا دەبێت خۆی بۆ ئەگەرەکانی شەڕ لە داهاتوودا ئامادە بکات، کە زۆر جیاواز دەبێت لە شەڕەكانی ئێستا.
وێڕای جەختكردنەوەی لە بەڵێنی جۆ بایدن، كە ئه‌وله‌ویه‌ت بە كاری دیپلۆماسی بدات، ئۆستن گتی: “لە مامەڵەکردنی لەگەڵ پرسەكانی سیاسەتی دەرەوەدا كاری دیپلۆماسی لەپێشینەیە، هەروەها پێویستە سوپا سەكۆی فشار بۆ دیپلۆماتكارەكان فەراھەم بكات، بۆ ئەوەی لەكاتی پێویستدا و لە گفتوگۆكاندا سوودی لێ ببینن”.
