وەزارەتی نەوتی عێراق داهاتی نەوت و هەناردەکردنی لە مانگی نيساندا بڵاوکردەوە

SNN

وەزارەتی نەوتی عێراق ئاماری هەناردە و بەرهەمهێنانی نەوتی لە مانگی نيساندا بڵاوکردەوە و رايگەياند: “داهاتی فرۆشتنی نەوت لەو مانگەدا پێنج مليار دۆلار بووە”.

وەزارەتی نەوتی عێراق لە راگەيەندراوێکدا بڵاويکردەوە: “مانگی نيسان 88 مليۆن بەرميل نەوت هەناردەکراوە، داهاتی فرۆشتنەکەی پێنج مليار دۆلار بووە”، دەشڵێت “تیکڕای فرۆشتنی نەوت لەو مانگەدا بە 62 دۆلار بووە”.

راشيگەياند: “هەناردەی رۆژانە لە مانگی نيساندا دوو مليۆن و 947 هەزار بەرميل بووە”، هەروەها “لە هەمان ماوەدا دوو مليۆن بەرميل نەوت لە کەرکوکەوە هەناردەی بەندەری جيهان کراوە”.