بەریتانیا فڕۆکەیەکی سەردەمی جەنگی دووەمی جیهانی لە عێراق بەکاردەهێنێت
SNN
بەریتانیا فڕۆکەی دامبوستەر بۆ شەڕی دژ بە داعش لە عێراق و سوریا تەرخاندەکات کە ئەوجۆرە فڕۆکەیە پێشتر لە جەنگی جیهانی دووەمدا بەکارهێندراوە.
وەزارەتی بەرگری بەریتانیا رایگەیاندووە، ئەو جۆرە لە فڕۆکە لە ئۆپراسیۆنی هێزەکانی هاوپەیمانان دژ بە داعش بەکاردەهێندرێت و هیچ گومانێک لەوەدا نییە کە توندڕەوی و ئایدۆلۆژیای ژەهراوی داعش هێشتا ماوە و دەبێت بنبڕبکرێت.
وەزارەتەکە رایگەیاندووە ئەگەر داعش لە عێراق و سوریا لەناونەبرێت ئەوا پێشبینی دەکەن شەڕی تیرۆر بگەیەننە بەریتانیا و هاوپەیمانەکانی.
ئەمە لەکاتێکدایە ئەمڕۆ فهریق ڕوکن جهبار یاوهر ئهمینداری گشتی وهزارهتی پێشمهرگه دەڵێت: داعش وهکو رێکخراوێکی تیرۆریستی تهواو نهبووه و کۆتایی نههاتووه بهڵام شێوازی کاری تیرۆریستی گۆڕیووه ئێستا بهشێوازی گروپی بچوک بچوک هەیە، فیکری تیرۆریستی له سۆشیال میدیا بڵاودەکاتەوە و هێرشی چەکداری دەکات، دەیەوێت بیسەلمێنێت کە دەتوانێت هێشتا زیان بدات.
