کۆمسیۆن: ئاوارەکان بە بێ کارتی بایۆمەتری ناتوانن دەنگ بدەن
كارمه‌ندێكى كۆمسیۆن له‌كاتى پشكنینى سندوقێكى ده‌نگدان | فۆتۆ: SNN
SNN
کۆمسیۆنی باڵای سەربەخۆی هەڵبژاردنەکانی عێراق رایگەیاند: تەنها رێگە بە دەنگدانی ئەو ئاوارانە دەدرێت کە کارتی بایۆمەتریان هەیە.
جومانە غلای وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاندوە: “كۆمسیۆن ڕێگە بە دەنگدانی هیچ ئاوارەیەكی كەمپەكان نادات دەنگ بدات ئەگەر كارتی بایۆمەترییان نەبێت”.
وتیشی: “كۆمسیۆن تیمی تایبەتی بە سەرۆكایەتی ئەندامێكی كۆمسیۆن ڕەوانەی كەمپی ئاوارەكان كردووە بۆ نوێكردنەوەی كارتی بایۆمەتری دەنگدان”.
باسی لەوەشکرد: “هەماهەنگی نێوان وەزارەتەكانی كۆچ و كۆچبەران و كۆمسیۆن لەسەر میكانیزمی دەنگدان لەكەمپی ئاوارەكاندا بەردەوامە”.
بڕیارە لە 10 تشرینی یەکەمی ئەمساڵدا هەڵبژاردنی پێشوەختەی پەرلەمانی عێراق بەڕێوەبچێت.
