بەهای لیرەی تورکی بۆ نزمترین ئاستی لەمساڵدا دابەزی

SNN

لیرەى تورکى دابەزینى بەخۆیەوە بینى و نزیکەى لەسەدا یەکى نرخەکەى لەدەستدا، بەوەش دابەزى بۆ نزمترین ئاستى لە ماوەی شەش مانگی رابردوودا.

ئاژانسی هەواڵی رۆیتەرز بڵاویکردەوە، ئەمڕۆ پێنجشەممە لیرەى تورکى بەرامبەر دۆلارى ئەمریکى دابەزینى بەخۆیەوە بینیىوە و 0.8%ى نرخەکەى لەدەستداوە.

ئەوەش هاتووە، هۆکارى دابەزینەکەش پەستانەکانى سەرییەتى بەهۆى هەڵاوسانەوە لە ئەمریکا، بەهۆیەوە 8.4910 لیرە بەرامبەر یەک دۆلارە، ئەوەش نزمترین ئاستە لەمانگى 10ى ساڵى ڕابردووەوە.

جەختلەوەشکراوەتەوە، ڕۆژى چوارشەممە داتاکان ئەوەیان پیشانداوە کە نرخى بەکاربەران لە ئەمریکا لە مانگى نیسانى ڕابردودا بازى داوە و ئەوەش خێراترین بووە لەماوەى 12 ساڵدا، بەهۆى ئەو داتایانەش نرخى دۆلار بەرامبەر دراوى بازاڕە تازەپێگەیشتووەکان بەرز بووەتەوە.