ئەمریکا: لەگەڵ چەسپاندنی ئاشتی هەمیشەییداین لە نێوان ئیسرائیل و فەلەستینیەکان

SNN

وتەبێژی کۆشکی سپی سەبارەت بە توندتربوونەوەی گرژی و ئاڵۆزیەکان لە نێوان ئیسرائیل و فەلەستینیەکان رایگەیاند:” ئەمریکا لەگەڵ چەسپاندنی ئاشتی هەمیشەییدایە لەو ناوچەیە”.

جین ساکی وتەبێژی کۆشکی سپی لە کۆنفڕانسێکی رۆژنامەوانیدا رایگەیاند: “ئامانجی سەرۆکی ئەمریکا و سەرجەم تیمەکەی چارەسەرکردنی کێشەی ئیسرائیل و فەلەستینیەکانە لە رێگەی کەمکردنەوەی گرژی و ناکۆکیەکان و گەیشتن بە ئاشتیەکی هەمیشەیی”.

باسی لەوەشکرد: “بەردەوامن لە پەیوەندیەکانیان لەگەڵ سەرکردەکانی ئیسرائیل و فەلەستین و وڵاتانی دیکەی ناوچەکە، بەتایبەتی ئەو کەس و لایەنانەی کە کاریگەریان لەسەر حەماس هەیە بۆ ئەوەی دۆخی ئێستا کۆتایی پێبهێنرێت و ئارامی بگەڕێتەوە بۆ ناوچەکە”.

وتەبێژی کۆشکی سپی لە هەمان کاتدا جەختی لە هەڵوێستی جۆ بایدن سەرۆکی ئەمریکا کردەوە کە رایگەیاندبوو: “ئیسرائیل مافی خۆیەتی لەبەرامبەر هێرشەکانی گروپە فەلەستینیەکان بەرگریی لە خۆی بکات”.