راوێژکاری کازمی دڵنیای لەبارەی مووچەوە دەدات و دەڵێت تا کۆتایی 2022 کێشە نابێت

SNN

مەزهەر محەمەد ساڵح راوێژكاری مسته‌فا كازمی سه‌رۆكوه‌زیرانی عێراق بۆ كاروباری دارایی دڵنیایی ده‌داته‌ مووچه‌خۆران كه‌ له‌ ئه‌گه‌ری دواكه‌وتنی تێپه‌ڕاندنی پڕۆژه‌یاسای بودجه‌ی ساڵی داهاتووش حكومه‌ت بۆ دابه‌شكردنی مووچه‌ تا كۆتایی 2022 هیچ كێشه‌یه‌كی نابێت.

ڕاوێژکاری سەرۆک وەزیرانی عێراق بۆ كاروباری دارایی بە میدیا عێڕاقییەکانی ڕاگەیاندووە: کاتی هەڵبژاردنی پەرلەمان هاوکاتە لە پێشکەشکردنی پرۆژە یاسای بودجەی 2022 لە نێوان ئەنجومەنی وەزیران کە دەبێتە حکومەتێکی كاربه‌ڕێكه‌ر و ناتوانێت پرۆژە یاسا تێپەڕێنێت و پەرلەمان کە بەشێوەیەکی دەستووریی خەریکە کۆتایی دێت.

ئاماژەی بەوەشکردووە: نازانین کە هەڵبژاردن چۆن کۆتایی دێت و حکومەت و پەرلەمانی داهاتوو چۆن پێکدەهێنرێن، به‌ڵام سه‌رجه‌م ئه‌و بابه‌تانه‌ ده‌بنه‌ هۆی دواكه‌وتنی تێپه‌ڕاندنی بودجه‌ی ساڵی داهاتوو.

ناوبراو دڵنیاییدا له‌وه‌ی كه‌ دواكه‌وتنی تێپه‌ڕاندنی بودجه‌ی ساڵی داهاتوو كاریگه‌ری نه‌رێنی بۆ سه‌ر مووچه‌خۆران نابێت و وتی: پارەی نەختینەی حکومەتی عێراقی لە ئێستادا لە باشترین بارودۆخدایە و ترس لەسەر سیستمی پێدانی مووچە نییە و بارودۆخەکە تا کۆتایی 2022 جێی دڵنیاییە.