قوباد تاڵەبانی و کازمی میکانیزمی جێبەجێکردنی یاسای بودجەیان تاوتوێ کرد
SNN
جێگری سه‌رۆكوه‌زیرانی هه‌رێمی كوردستان، ناوه‌ڕۆكی كۆبونه‌وه‌كه‌ی له‌گه‌ڵ مسته‌فا كازمی سه‌رۆكوه‌زیرانی عێراق بڵاوكرده‌وه و رایگه‌یاند: “ھه‌‌ردولا پابه‌ندبونیان به یاسای بودجه دوپاتكردوه‌ته‌وه”.
قوباد تاڵه‌بانی له هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبوك نوسیویه‌تی: “له‌گه‌ڵ مسته‌فا كازمی سه‌رۆكوه‌زیرانی عێراق، له‌باره‌ی دوا پێشهاتی په‌یوه‌ندییه‌كانی ھه‌‌ردو حكومه‌تی هه‌رێم و فیدراڵ گفتوگۆمان كرد، به‌تایبه‌ت میكانیزمی جێبه‌جێكردنی یاسای بودجه‌ی 2021 ی عێراق و ده‌سته‌به‌ركردنی شایسته داراییه‌كانی هه‌رێم”.
راشیگه‌یاند: “جارێكیتر ھه‌‌ردولامان پابه‌ندیمان به یاسای بودجه دوپاتكرده‌وه له پێناو چاره‌سه‌ركردنی كێشه كه‌ڵه‌كه‌بووه‌كان له‌سه‌ر بنه‌مای یاسا و ده‌ستور و بۆ دروستكردنی لێكگه‌یشتنی درێژخایه‌ن و به‌رده‌وام.”
ماوەی سێ رۆژە شاندی باڵای حکومەتی هەرێم بە سەرۆکایەتی قوباد تاڵەبانی لە بەغدایە، بە مەبەستی گفتوگۆکردن لەبارەی میکانیزمی جێبەجێکردنی یاسای بودجە و رەوانەکردنی پشکی هەرێم.
