رێژهی لهدایكبوونی منداڵ له ژاپۆن له 2020 گهیشتۆته نزمترین ئاست
SNN
رێژهی لهدایكبوونی منداڵ له ژاپۆن لە ساڵی 2020 گهیشتۆته نزمترین ئاست له 130 ساڵی رابردوودا.
ئاژانسی ههواڵی ژاپۆن له زاری وهزارهتی كار و ئاسایشی كۆمهڵایهتییهوه رایگهیاند: “ساڵی رابردوو 840 ههزار و 832 منداڵ له ژاپۆن لهدایك بوون، بهم جۆره ژمارهی ئهو منداڵانهی له ساڵی رابردوودا لهدایك بوون به بهراورد به ئاماری دانیشتووان، نزمترین رێژهی لهدایكبوونی منداڵه لهو وڵاته له 1889هوه تا ئێستا”.
له 1973هوه كه نزیكهی دوو ملیۆن منداڵ له دایك بوو لهو وڵاته، بهردهوام ژمارهی منداڵه لهدایك بووهكان كهم دهكات، چاوهڕوانیش دهكرێت بههۆی ڤایرۆسی كۆرۆنای نوێوه له ئەمساڵدا ئهو ژمارهیه كهمتر ببێتهوه”.
له لایهكی دیكهوه له ساڵی پاردا، 525ههزار و 490پرۆسهی هاوسهرگیری ئهنجام دراوه، بهم جۆره ئهم پرۆسهیه به بهراورد به ساڵێك پێشتر به رێژهی له 12% كهمیكردووه و بۆ نزمترین ئاست دابهزیووه له جهنگی جیهانیی دووهمهوه.
