دەستەی دەستپاکی: هەر فەرمانبەرێک بە نایاسایی پلەی وەرگرتبێت لێی وەردەگیرێتەوە
SNN
سەرۆکی دەستەی دەستپاکی هەرێمی کوردستان رایگەیاند: سەرجەم وەزارەتەکان راسپێردراون تا وردبینی بۆ دۆسیەی فەرمانبەران بکەن و ھەر كەسێك بە نایاسایی یاخود ناشایستە پلەیەكی وەرگرتبێت، لێی وەردەگیرێتەوە.
حاكم ئەحمەد ئەنوەر، سەرۆكی دەستەی دەستپاكی لە هەرێمی كوردستان، لە لێدوانێکدا بۆ میدیای فەرمی یەکێتی رایگەیاندوە: “یەكێك لە خاڵەكانی یاسای چاكسازی ئەوەیە، ئەوەی كە بە ناسایایی یاخود ناشایستە ھەر پلەیەكی وەرگرتبێت لە ھەر وەزارەتێك یاخود دامودەزگایەك لە حكوومەتی ھەرێمی كوردستان، پێویستە لێی وەربگیرێتەوە و بگەڕێتەوە بۆ سەر ئەو پلەیەی كە شایستەیەتی”.
باسی لەوەشکردوە: “ئێستاش ھەموو وەزارەتەكان راسپێردراون كە پێداچوونەوە بە دۆسیەی سەرجەم فەرمانبەراندا بكرێت و وەزارەتەكانیش بەردەوام كار لەو بارەیەوە دەكەن و بەشی زۆریان كاری خۆیان تەواو كردووە، كە سەرجەم فەرمانبەران تەواو بوون، ئەوكان لیژنەی باڵای چاكسازی بڕیاری لەسەر دەدات”.
