شەپۆلێکی خۆڵبارینی توند لە سبەینێوە ڕوو لە ناوچەکانی عێراق دەکات
دیمهنێكى خۆڵبارین له سلێمانى | فۆتۆ: SNN
SNN
سادق عەتییە، پێشبینیکاری کەشوهەوای عێراق ئەمڕۆ یەکشەممە، رایگەیاند: کە شەپۆلێکی توندی خۆڵبارین روو لە ناوچەکانی عێراق دەکات لەگەڵ رەشەبای توندا.
سادق ئاماژەی بەوەکردووە، لە بەرەبەیانی رۆژی دووشەممەوە، شەپۆلێکی بەهێزی خۆڵبارین لە بیابانەکانی باشوور و باشووری رۆژئاوای عێراقەوە هەڵدەکات و خێرایی با لە نێوان 70 بۆ 80 کیلۆمەتردا دەبێت، بەرەو ناوچەکانی ناوەڕاست و باکوور دێت و ماوەی چەند رۆژێک بەردەوام دەبێت.
