یەکەم ڤاکسینی ئێرانی مۆڵەتی وەزارەتی تەندروستی ئەو وڵاتەی وەرگرت
SNN
ڤاکسینی کوڤ ئێران بەرەکەت، لە لایەن وەزارەتی تەندروستی ئەو وڵاتەوە مۆڵەتی پێبەخشرا.
سەعید نەمەکی وەزیری تەندروستی ئێران رایگەیاند: “مۆڵەتیان بەخشیوەتە ڤاکسینی کۆڤڤ ئێران بەرەکەت، بۆ ئەوەی بە زووترین کات بەکاربهێنرێت”.
پێدانی مۆڵەت بەو ڤاکسینە لە کاتێکدایە لە رۆژانی رابردوودا ئەنجامی تاقیکردنەوەی ڤاکسینەکە لەسەر ئاژەڵ تاقیکرایەوە و هێشتا ئەنجامی تاقیکردنەوەی لە سەر مرۆۆڤ رانەگەیەنراوە.
لە ڤاکسینی بەرەکەتدا ڤایرۆسی ناچالاکی کۆرۆنا بەکارهێنراوە، بۆ ئەوەی سیستەمی بەرگریی لەش لە سەر رووبەڕووبوونەوەی و بەرپەرچدانەوەی کۆرۆنای نوێ ئامادە بکەن، لەم ڕووەشەوە ڤاکسینە ئێرانیەکە هاوشێوەی سینۆفارمی چینیە.
بڕیارە ئێران مانگانە سێ ملیۆن ژەمە ڤاکسینی بەرەکەت بەرهەمبهێنێت.
