دوو ئەندامی کورد لە لیژنەی دەستپاکی عێراق “هاتنی پارە بۆ هەرێم گرفتی تێدا نییە”

SNN

ئەمڕۆ چوارشەممە، هەریەکە لە جەمال کۆچەر و د. رێبوار کەریم مەحمود کە ئەندامی لیژنەی دەستپاکی عێراقن لە روونکردنەوەیەکدا رایانگەیاند: بە هەموو جۆرێك ئەو بەیاننامەیەی لیژنەی دەستپاکی پەرلەمان رەتدەکەینەوەو پێمانوایە هاتنی پارە بۆ هەرێم هیچ گرفتێکی یاسایی نییە و لە چوارچێوەی یاسای بودجەی عێراقی ساڵی 2021 جێی کراوەتەوە.

دەشلێن: لەبەرئەوەی کە یاساکە بۆ کۆی ساڵی 2021 ئەژماردەکرێ، هەربۆیە دەبێ پارەکە لە سەرەتای ساڵەوە حساب بکرێ و بنێردرێت، دووپاتیشی دەکەینەوە کە ئەو پارەیە بەپێی یاسای بودجەو بەپێی بڕیارەکەی دوێنێی ئەنجومەنی وەزیرانیش تەنها بۆ مووچە خەرجدەکرێت و بەهۆیەوە نابێ لێبڕینی مووچە لەهەرێمی کوردستان بمێنێت.