عێراق لە مانگی رابردوودا بەبەهای نزیکەی 6 ملیار دۆلار نەوتی فرۆشتووە

SNN

وەزارەتی نەوتی عێراق راپۆرتی مانگانەی خۆی لە رێگەی “سۆمۆ” کۆمپانیای بە بازاڕکردنی نەوتی عێراقی بڵاوکردەوە و تێیدا ئاماژە بەوە دەکرێت لە مانگی رابردوودا بەبەهای نزیکەی 6 ملیار دۆلار عێراق نەوتی فرۆشتووە.

لە مانگی رابردوودا 89 ملیۆن بەرمیل نەوت لە عێراقەوە هەناردەی وڵاتانی دەرەوە کراوە کە بەهاکەی پێنج ملیار و 917 ملیۆن دۆلاربووە، لە کێڵگەکانی ناوەڕاست و باشووری عێراق 86 ملیۆن بەرمیل نەوت هەناردە کراوە، لە کێڵگەکانی کەرکوکیشەوە 3 ملیۆن بەرمیل لە رێگەی بەندەری جەیهانەوە فرۆشراوە.

هەر لە راپۆرتەکدا هاتووە، نەوتی عێراق لە رێگەی 32 کۆمپانیای بیانییەوە دەردەهێنرێت، و رێژەی ناوەندی هەر بەرمیلێک نەوت کە فرۆشراوە 65 دۆلار و 84 سەنت بووە.