کەشناسی: شەپۆلێکی خۆڵبارين عێراق دەگرێتەوە

SNN

بەڕێوبەرايەتی گستی کەشناسی عێراق رايگەياند: “لە رۆژی چوارشەممەوە شەپۆلێکی خۆڵبارين عێراق دەگرێتەوە و پلەکانی گەرما بۆ سەروو 50 پلە بەرزدەبنەوە، بەڵام ناوچەکانی هەرێم ناگرێتەوە “.

عامر جابری بەڕێوەبەری گشتی راگەیاندنی دەستەی کەشناسی عێراق بە ئاژانسی هەواڵی وڵاتی راگەیاندووە: “لە ئەنجامی نزمبوونەوەی بەرچاوی پەستانی وەرزی کە لە هیندستانەوە دەست پێدەکات لە رۆژانی داهاتوو لەم هەفتەیەدا پلەکانی گەرما بەرزدەبنەوە”.

ئاماژەی بەوەشکرد: “لە رۆژانی کۆتایی مانگی حوزەیراندا لە ئەنجامی نزمبوونەوەی تەوژمی هەوای دەریای ناوەڕاست و پەستانی هەوای وەرزی، پلەکانی گەرما بەرزدەبنەوە”.

دەشڵێت “لە پارێزگاکانی باشوور پلەکانی گەرما دەگەنە 50 پلەی سیلیزی، لەناوچەکانی هەرێمیش پلەکانی گەرما بەرزدەبنەوە بەڵام بەهۆی ئەوەی بەرگی رووەکی هەیە و دارستانی تێدایە هاوشێوەی پارێزگاکانی باشوری کاریگەرنابن بە گۆڕانی پلەکانی گەرما”.