دەستپاکی عێراق لە فەرمانگەیەکدا گەندەڵییەکی بە بڕی 10 ملیار دینار ئاشکراکرد

SNN

دەستەی دەستپاکی عێراق رایگەیاند: لە فەرمانگەیەک لە ئەنبار گەندەڵییەکییان ئاشکرا کردووە، کە بڕەکەی دەگاتە 10 ملیار دینار.

بەپێی راگەیەنراوێکی دەستپاکی عێراق، ” لە فەرمانگەی خانەنشینی ئەنبار دوای لێکۆڵینەوە لە 145 دۆسیەی خانەنشینی دەرکەوت 112 مامەڵە ساختەکاری تێدا کراوە”.

باسی لەوەشکردوە: بە گشتی لەو دۆسیانەدا 10 ملیار و 200 ملیۆن دینار بۆ ئەو مامەڵە ساختانە خەرجکراوە و بەفیڕۆ دراوە”.

باسی لەوەشکردووە، دۆسیەکە رەوانەی دادگا کراوە و رێکاری یاسایی گیراوەتەبەر.

پێشتریش لەهەمان فەرمانگەی ئەنبار 32 دۆسیەی ساختە ئاشکراکرابوو، کە بڕی گەندەڵی تیایاندا زیاتر لە سێ ملیار دینار بوو.