بڕانی کارەبا لە عێراقدا نابێتە هۆی تێکدانی ڤاکسینەکانی کۆرۆنا
کوتان بە ڤاکسینی کۆرۆنا
SNN
وەزارەتی تەندروستی عێراق ئەمڕۆ هەینی رایگەیاند: بەهۆی بەرزبوونەوەی پلەکانی گەرما لە عێراق و بوونی خواستێکی زۆر لەسەر کارەبا، کوژانەوەی لە سەرجەم پارێزگاکانی عێراقدا زیادی کردووە، بەڵام کوژانەوە کارەبا نابێتە هۆی تێکدانی ڤاکسینەکانی کۆرۆنا.
سەیف بەدر وتەبێژی وەزارەتی تەندروستی عێراق ئەوەی بۆ میدیا عێراقییەکان روونکردەوە کە وەزارەتی تەندروستی پلانی بۆ هەموو دۆخەکان هەیە یەکێک لە پلانەکانی هێشتنەوەی ڤاکسینەکانە لە پلەی داواکراودا، لەگەڵ ئەوەشدا بڕانی کارەبا کاریگەری لەسەر ڤاکسین نابێت، هەندێک لە ڤاکسینەکان لە 70 پلە خوار سفرەوە هەڵدەگیرێت، بۆیە بەشێکی زۆری ڤاکسینەکان کێشەی ئەوەیان نییە بەهۆی بڕانی کارەباوە کاریگەرییەکەیان لەدەستبدەن.
