رووسیا داوا لە تورکیا و ئەمریکا دەکات هێزەکانیان لە سووریا بکشێننەوە

SNN

نێردەی تایبەتی ڤلادیمیر پوتین سەرۆكی رووسیا داوای لە توركیا و ئەمریکا كرد هێزەكانیان لە سووریا بكێشێتەوە، باسی لەوەشکرد کار دەکەن بۆ گەڕاندنەوەی ئارامی و سەقامگیری بۆ ئەو وڵاتە.

ئەلیكساندەر لاڤرینتیێڤ، نێردەی تایبەتی سەرۆكی رووسیا بۆ كاروباری سووریا لە كۆنگرەیەكی رۆژنامەوانیدا رایگەیاند: “پێویستە رێز لە سەروەری خاکی سووریا بگیرێت و بەم زووانە هەریەكە لە ئەمریكا و توركیا هێزەكانیان لەناو خاكی ئەو وڵاتە بكێشنەوە”.

باسی لەوەشکرد: رووسیا کاردەکات بۆ نەهێشتنی تیرۆر لە سوریا و پشتیوانی له‌ یه‌كپارچه‌یی و پاراستنی سه‌روه‌ری خاكی ئەو وڵاتە ده‌كەن و شکست بە پلانەکانی پارچەکردنی خاکی سووریا دەهێنن”.

لاڤرینتیێڤ وتیشی: “مۆسکۆ كار بۆ ئه‌وه‌ ده‌كات هەنگاو بە هەنگاو ئارامی و سه‌قامگیری بۆ سووریا بگه‌ڕێته‌وه”‌.