کاروانێکی ديکەی ڤاکسينی ڤايزەر دەگاتە عێراق

SNN

وەزارەتی تەندروستیی و ژینگەی عێراق، گەیشتنی کاروانێکی دیکەی ڤاکسینی کۆرۆنای لە جۆری فایزەر راگەیاند.

کۆمپانیای گشتی بەبازاڕکردنی دەرمان و پێدوایستییە پزیشکییەکان سەربە وەزارەتی تەندروستیی و ژینگەی عێراق رایگەیاند: “کاروانێکی دیکەی ڤاکسینی کۆرۆنا لە جۆری ڤایزەر، گەیشتووەتە عێراق، بێ ئەوەی ئاماژە بە ژمارەی دۆزەکان بکات”.

باسیشی لەوەکرد: “ڤاکسینەکان لە رێگای ساردکەرەوەی تایبەتەوە رەوانەی بنکە و فەرمانگە تەندروستییەکان لە پارێزگاکان و ھەرێمی کوردستان کراون”.

لە مانگی نیسانەوە، یەکەم کاروانی ڤاکسینی ڤایزەر لە ئەمریکاوە گەیشتە عێراق، تا ئێستا یەک ملیۆن و 127 ھەزار و  270کەس لە عێراق، دۆزی یەکەم و دووەمی ڤاکسینی کۆرۆنایان وەرگرتووە.