بڕیارەکانی ئۆپیک ناسەقامگیری لە نرخی نەوتدا دروستکردووە

SNN

ئەمڕۆ هەینی و بەهۆی زیادکردنی خستنەڕوی نەوت لەبازارەکانی جیهاندا، بەهای نەوت دابەزینی تۆمارکرد و هەر بەرمیلێک نەوتی برێنت بە 73.58 دۆلار و نەوتی تەکساسی ئەمریکاش بە 71.74 دۆلار مامەڵەی پێوەکرا، ئەم بڕیارانەی ئۆپیکیش وایکردووە کە بەهای نەوت لە چەند رۆژی رابردوودا بەردەوامبێت لە بەرزو و نزمی.

لەبارەی ناسەقامگیری نرخی نەوت، ئاژانسی رۆیتەرز بڵاویکردوەتەوە کە ئۆپێک بڕیاری زیادکردنی هەناردەکردنی داوە و ئەوەش کاریگەریی لەسەر نرخەکەی هەبووە و دایبەزاندووە.

بەگوێرەی زانیارییەکان هۆکاری بڕیارەکەی ئۆپێک بۆ ئەوە دەگەڕێتەوە کە پێشبینی دەکەن لەمانگی ئابەوە تا کۆتایی ئەمساڵ بەهۆی بوژاندنەوەی ئابووری جیهانەوە کورتهێنان هەبێت لەدابینکردنی نەوت، بۆئەوەش پێشنیاری زیادکردنی هەناردەی نەوتیان کردووە.