ئەمریکا 155 ملیۆن دۆلار بۆ هاوکاری مرۆیی دەداتە عێراق
SNN
ئەنتۆنی بلینکن، وەزیری دەرەوەی ئەمریکا رایگەیاند: کە ویلایەتە یەکگرتووەکانی ئەمریکا 155 ملیۆن دۆلار هاوکاری هاووڵاتیانی عێراق دەکات هاوڵات لەگەڵ پێشکەشکردنی هاوکاری بە ئاوارە و پەنابەرەکانی عێراق.
بلینکن لە کۆنگرەیەکی رۆژنامەوانیدا ئەوەشی ئاشکراکرد کە کۆی ئەو بڕەپارەیەی لەساڵی 2021دا وەک هاوکاری لەلایەن ئەمریکاوە دراوە بە هاوکارییەکانی وەزارەتی دەرەوە و ئاژانسی ئەمریکی بۆ گەشەپێدانی نێودەوڵەتی هەروەها بەو بڕە هاوکارییەی ئێستا بڕیاری لیدراوە دەگاتە 200 ملیۆن دۆلار، لەکاتێکدا ئەو هاوکارییانەی ئەمریکا بە عێراقی پێشکەشکردووە لەدوای ساڵی 2014ەوە دەگاتە زیاتر لە سێ ملیار دۆلار.
ئەو هاوکارییە داراییەی ئەمریکا بۆ دابینکردنی شوێنی مانەوە، چاودێریی تەندروستی، هاوکاریی خۆراک و کەلوپەل، گەیاندنی خزمەتگوزاریی ئاو، خەرجیی تەندروستی و چەند لایەنێکی دیکە لەهەموو عێراقدا دەگرێتەوە، وەزیری دەرەوەی ئەمریکا جەختی لەوە شکردووەتەوە، کە تاوەکو ئێستا ئەمریکا سەرەکیترین هاوکار و پاڵپشتی عێراقە لەڕووی هاوکاریی مرۆییەوە لەسەر ئاستی وڵاتانی جیهان.
