حزبی شيوعی بايکۆتی هەڵبژاردنەکانی عێراقی کرد

SNN

حزبی شیوعی عێراقی بڕیاری دا بە کشانەوەى لە کێبرکێی هەڵبژاردنی پێشوەختەی 10ی تشرینی یەکەمی ئەمساڵ. 

حزبی شيوعی لە کۆنگرەیەکی ڕۆژنامەوانیدا ئاشکرای کرد: “کەشەکە گونجاو نییە بۆ ئەنجامدانی هەڵبژاردن و هەڵەی زۆر هەیە لە پرۆسەی سیاسیدا، ئەنجامدانی هەڵبژاردن هيچ لە بارودۆخی گوزەرانی خەڵک ناگۆڕێت، هيچ کاريگەريەکی لەسەر دۆخی ئێستای عێراق نابێت”.

ئەمەش لەکاتێکدا، ڕۆژی 5ی تەموزی 2021، لەمیانەى وتارێکیدا، موقتەدا سەدر، ڕابەرى ڕەوتی سەدر کشانەوەى خۆى لەپڕۆسەى هەڵبژاردنى پێشوەختە و کابینەکەى کازمى ڕاگەیاند و وتى، “ئەوەى ئێستا لە عێراقدا ڕوودەدات دەکەوێتە چوارچێوەى پلانێکى شەیتانیی نێودەوڵەتیەوە”.