کازمی دەستگیرکردنی ئەنجامدەرانی تەقینەوەکەی ناوچەی سەدری راگەیاند

SNN

سەرۆکوەزیرانی عێراق دەستگیرکردنی ئەنجامدەرانی تەقینەوەکەی هەفتەی رابردووی ناو بازاڕی وەحیلاتی ناوچەی سەدری بەغدای راگەیاند.

مستەفا کازمی سەرۆکوەزیرانی عێراق لە تویتێکدا رایگەیاند: ” “فرمێسك و ژانه‌ دڵی خێزانی شه‌هیدانی شارۆچكه‌ی سه‌در رێنیشانده‌رمان بون بۆ ده‌ستگیركردنی ئه‌و تۆڕه‌ تیرۆریستییه‌ ترسنۆكانه‌ی كه‌ پلانداڕێژه‌ر و جێبه‌جێكه‌ری هێرشه‌ تیرۆریستییه‌كه‌ی بازاڕی وه‌حیلات بون”.

كازمی به‌بێ ئه‌وه‌ی ژماره‌ی ئه‌ندامانی ئه‌و تۆڕه‌ و وردەکاری زیاتر ئاشكرابكات راشیگه‌یاندوه‌، سه‌رجه‌میان ڕوبه‌ڕوی دادگا و گه‌ل ده‌كرێنه‌وه‌ و ده‌بنه‌ په‌ند بۆ هه‌مو ده‌ستدرێژیكه‌رێكی تاوانبار.

شه‌وی 19ی ئه‌م مانگه‌، له‌ئه‌نجامی ته‌قینه‌وه‌یه‌ك له‌ ناوچه‌ی سه‌دری به‌غدا زیاتر لە 30 کەس كوژراون و نزیکەی‌ 50 كه‌سی دیكه‌ش برینداربون.