تائێستا نزیکەی چوار ملیار ژەمە ڤاکسین لە جیهاندا بەکارهێنراوە

SNN

لە سەرتاسەری جیهاندا تائێستا زیاتر لە سێ ملیار و 970 ملیۆن ژەمە ڤاکسینی کۆرۆنا بەکارهێنراوە و کە نزیکەی یەک لەسەر سێی لە وڵاتی چینە.

بەگوێرەی ئامارەکانی ماڵپەڕی “Ourworldindata.org” وڵاتی چین بە بەکارهێنانی یەک ملیار و 580 ملیۆن ژەمە ڤاکسین لە رووی زۆری بەکارهێنانی ڤاکسینەوە لە ریزبەندی یەکەمی جیهاندا دێت، دوای ئەویش هیندستان بە 446 ملیۆن و 160 هەزار لە ریزبەندی دووەم، ئەمریکا بە 342 ملیۆن و 610 هەزار ژەم لە ریزبەندی سێیەم و بەڕازیل بە 136 ملیۆن و 510 هەزار لە ریزبەندی چوارەمدادێت.

بەپێی نوێترین ئامارەکانی ماڵپەڕی “Worldometers” لە جیهاندا نزیکەی 196 ملیۆن و 500 هەزار حاڵەتی توشبوون بە کۆرۆنا تۆمار کراوە و لەو ژمارەیەش زیاتر لە چوار ملیۆن و 200 هەزاریان گیانیان لەدەستداوە و 178 ملیۆن کەسیش پەتاکەیان تێپەڕاندووە.