ئیبراهیم رەئیسی “حەشدی شەعبی پشتیوانێکی گەورەن بۆ ئاسایشی عێراق و بەرەوپێشبردنی”
SNN
ئیبراهیم رەئیسی، سەرۆک کۆماری نوێی ئێران لەگەڵ فال فەیاز، سەرۆکی دەستەی حەشدی شەعبی کۆبوەوە و رایگەیاند :”بڕیاری مەرجەعیەت بۆ پێکهێنانی هێزەکانی حەشدی شەعبی کارێکی “دانا و زیرەکانە بوە و بەهۆیەوە ئارامی و ئاسایشی عێراق گۆڕانکاری بەسەردا هاتوە، لەقۆناغی داهاتوشدا ئێمە بەردەوام پشتیوانی هێزەکانی عێرق دەکەین بەشیعە و سونەوە، بەتایبەتیش هێزەکانی حەشدی شەعبی کە پشتیوانێکی گەورەن بۆ ئاسایشی عێراق و بەرەوپێشبردنی”.
ئاماژەی بەوەشکردووە، هەروەها رۆڵی حەشدی شەعبی لە بەهێزکردنی بنەماکانی “پێکەوەیی، بەرگری لە خەڵک، رووبەڕووبوونەوەی گروپە تیرۆریستییەکان بەرزدەنرخێنین”.
رۆژی پێنجشەممە بە بەشداری شاندی باڵای 73 وڵاتی جیهان ئیبرائیم رەئیسی، سەرۆککۆماری نوێی ئێران سوێندی یاسایی خوارد و بەفەرمی دەستبەکاربوو.
