کۆچ و کۆچبەرانی عێراق: 37 هەزار خێزانی ئاوارە ماون کە زۆرینەیان لە هەرێمن
SNN
وەزارەتی کۆچ و کۆچبەرانی عێراق رایگەیاند 37 هەزار خێزانی ئاوارە لە عێراقدا ماون کە زۆرینەیان لە هەرێمی کوردستانن، پلانەکانی خۆشی بۆ داخستنی کەمپەکانی ئاوارەکان ئاشکراکرد.
کەریم نوری، بریکاری وەزارەتی کۆچ و کۆچبەرانی عێراق رایگەیاند: له ماوه‌ی ئه‌م حكومه‌ته توانیومانه 50 كه‌مپ دابخه‌ین، نزیکەی 26 کەمپ لە هەرێم ماون لەگەڵ دوو کەمپی دیکە، یەکێکیان لە جەدعە لە موسڵ و ئەوی دیکە لە فەللوجەیە و ئێمە بەردەوامین لە گەڕانەوەی ئارەزوومەندانەی ئاوارەکان بۆ زێدی خۆیان.
ئاماژه‌ی به‌وه‌شكرد: تەنیا ئەو ئاوارانە دەگەڕێندرێنەوە بۆ زێدی خۆیان، کە وردبینیی ئەمنییان بۆ دەکرێت و گومانی ئەمنی و دادوەرییان لەسەر نەبێت. ئێستا 96 خێزان گەڕێندراونەتەوە موسڵ، ئەمانە هیچ دۆسیە و گومانێکی ئەمنی و دادگایان لەسەر نەبووە.
بەهۆی شەڕی داعشەوە سەدان هەزار هاووڵاتی ئاوارەی هەرێمی کوردستان و ناوچەکانی دیکەی عێراق بوون کە ئەوەش بارگرانی ئابووری بۆ حکومەتی هەرێم و بەغدا دروستکرد.
