کۆشکى سپى “تەنها دوێنی سێ هەزار کەسمان لە ئەفغانستانەوە بردووەتە دەرەوە”

SNN

دوای ئەوەی کە چەکدارانی تاڵیبان دووبارە دەستیان بەسەر ئەفغانستان و کابوڵی پایتەختدا گرتەوە، ژمارەیەکی زۆری هاووڵاتیانی ئەو وڵاتە دویانەوێت لە رێگەی فرۆکەخانەی کابوڵ و بە هاوکاری ئەمریکا ئەفغانستان جیبهێڵن، هەر بۆیە کۆشکی سپی ئەمرۆ هەینی ئاماژەی بەوەکرد کە تەنیا دوێنێ سێ هەزار کەسمان لە ئەفغانستان بردووەتەوە دەرەوە.

لە راگەیەندراوێکدا، کۆشکی سپی بڵاویکردەوە، ئەمەریکا لە رێگەی (16) فڕۆکەی جۆری (C-17)، نزیکەی سێ هەزار کەسی لە رێگەی فڕۆکەخانەی حامید کارزای لە کابوڵەوە گواستوەتەوە دەرەوەی وڵاتەکە، ئەوەش خراوەتەڕوو کە (350) کەس لەوانەی دەرباز کراون، ئەمریکی بوون.

روونیشى کردووەتەوە، ئەو کەسانەی لە ئەفغانستانەوە براونەتە دەرەوەی وڵاتەکە هاووڵاتییانی ئەمەریکی و ئەوانه‌ن کە خۆیان و ئەندامانی خێزانەکەیان داواکارییان بۆ پێدانی ڤیزا پێشکەش کردبوو لەگەڵ ئەو ئەفغانییانەی کە مەترسی لەسەر ژیانیان هەیە.

کۆشکى سپى ئاشکرایکردووە، تا(14)ی تەموز نزیکەی نۆ هەزار کەس و تا کۆتایی مانگی تەموزی رابردووش نزیکەی (14)هەزار کەس لە ئەفغانستانەوە دەرباز کراون.