گەورەترین پردی ئاسمانیمان دروستکردووە بۆ پاراستنی ئەمریکییەکان و ئەفغانییەکان
جۆو بایدن، سهرۆكى ئهمریكا | فۆتۆ: AP
SNN
جۆو بایدن، سهرۆكی ویلایهته یهكگرتووهكانی ئهمهریكا ئهمڕۆ ههینی له كۆنگرهیهكی ڕۆژنامهوانی له واشنتن ئاشكرایكرد، كه لهگهڵ بزووتنهوهی تاڵیبان بهردهوام دهبن له پەیوهندی، له پێناوی سهلامهتی گهیشتنی هاووڵاتییانی مهدهنی ئهمهریكی و هاوپهیمانهكان بۆ فڕۆكهخانهی كابۆل، كۆمهڵێك مهرجیش بۆ تاڵیبان دادهنێین تا ددانپێدانانی واشنتن بهدهستبهێنێت.
بایدن له كۆنگره ڕۆژنامهوانییهكه وتی، گفتوگۆی دۆخی ئهفغانستانی لهگهڵ ڕاوێژكاری ئاسایشی نهتهوهیی و سهركرده و فهرماندهكانی سوپای ئهمهریكا كردووه، ههر ههڕهشهیهك لهلایهن تاڵیبانهوه بۆ سهر ئهمهریكییهكان و هاوپهیمانهكانی له ئهفغانستان، وهڵامی توند و بههێزی ئهمهریكای لێ دهكهوێتهوه.
له بهشێكی تری قسهكانی سهرۆكی ئهمهریكا وتی، گهورهترین پردی ئاسمانیمان له ئهفغانستان دروست كردووه كه له مێژووی ئهمهریكا هاوشێوهی نهبووه، بۆ ڕزگاركردنی ژیانی ئهمهریكییهكان و ئهو ئهفغانیانهی لهگهڵ ئێمه كاریان كردووه و شهش ههزار سهربازی هێزه تایبهتهكان له فڕۆكهخانهن و ژیانی خۆیان دهخهنه مهترسییهوه له پێناوی سهلامهتی ههموو ئهمهریكییهكان و هاوپهیمانهكانمان و گواستنهوهیان به سهلامهتی.
لهبارهی دۆخی ئهفغانستان و ئهفغانهكان بایدن وتی، فشاری نێودهوڵهتی لهسهر تاڵیبان دروست دهكهین، تا پابهندی ئهو بهڵێنانه بێت كه بۆ پاراستنی ژیانی ئهفغانهكان داویهتی و ههفتهی ڕابردوو نیگهرانكهر بوو و ههمووان ترس و دڵهڕاوكێیان ههبوو، چونكه ههستیان بهو ئازاره مرۆییه دهكرد، كه خهڵكی لهو وڵاته تووشی هاتوون.
هێمای بۆ ئهوهیش كرد، ئهو بهرپرسیاریهتی دۆخهكه ههڵدهگرێ و ئێستهیش كاتی ڕهخنهگرتن نییه و پێویسته ئهمهریكییهكان و هاوپهیمانهكانمان ڕزگار بكهین، ئامانجی ئهمهریكایش له چوون بۆ ئهفغانستان بۆ لهناوبردنی ڕێكخراوی تیرۆریستی قاعید و ئوسامه بن لادنی سهرۆكی ئهو گرووپه تیرۆریستییه بوو، لهگهڵ ئهوهیش ئێمه لهوێ ماینهوه و به ترلیۆن دۆلارمان پێشكهش كردن، تا وڵات ئاوهدان بكهنهوه.
ڕوونی كردهوه، ئێسته گرفتی گهوره بریتییه له دووباره نهبوونهوهی ههڕهشهی تیرۆر و دروستنهبوونهوهیان، چونكه ئهوهی قاعیده له ئهفغانستان كردی، سنووری ئهو وڵاتهی بڕی و بوو به ههڕهشهیهكی جیهانی، ئهمهریكایش ههمیشه ئامادهیه له ئێسته و داهاتوویش بۆ ڕووبهڕووبوونهوهی تیرۆر.
