کازمی بەرەو وڵاتی کوەیت بەرێکەوت
مستەفا کازمی
SNN
مسته‌فا كازمی سه‌رۆكوه‌زیرانی عێراق، سه‌رله‌به‌یانی ئه‌مڕۆ یه‌كشه‌ممه به‌سه‌رۆكایه‌تی شاندێكی باڵای حكومه‌ته‌كه‌ی، به‌غدای به‌ره‌و كوێت به‌جێهێشت و به‌ر له‌سه‌ردانه‌كه‌ش رایگه‌یاند: پابه‌ند و سورین له‌سه‌ر ئه‌نجامدانی هه‌ڵبژاردنی پێشوه‌خته له‌واده‌ی دیاریكراوی خۆیدا.
سه‌ردانه‌كەی کازمی بۆ وڵاتی کوەیت به‌شێكه له هه‌وڵه‌كانی حكومه‌ت بۆ به‌هێزكردنی هه‌ماهه‌نگی و په‌یوه‌ندییه دووقۆڵییه‌كان له‌گه‌ڵ وڵاتانی جیاوازدا، له‌وانه ده‌وڵه‌تی كوه‌یت، سه‌ردانه‌كه چه‌ندین دۆسیه‌ی ئابووری، سیاسی، وزه، وه‌به‌رهێنان و دۆسیه‌كانی تر له‌خۆده‌گرێت، به‌ئامانجی به‌هێزكردنی برایه‌تی نێوان هه‌ردوو وڵات.
مسته‌فا كازمی ئه‌وه‌شی خستووه‌ته‌ڕو، عێراق له به‌رده‌م هه‌ڵبژاردنی پێشوه‌خته‌دایه و حكومه‌ته‌كه‌شی پابه‌ند و سوره له‌سه‌ر ئه‌نجامدانی پرۆسه‌كه له 10ی (تشرینی یه‌كه‌م/10)ی 2021دا كه بڕیاری له‌سه‌ردراوه و هه‌مو ڕێوشوێنێكی پێویستیشیان بۆ هه‌ڵبژاردنی دادپه‌روه‌رانه و كه‌شێكی گونجاو ئاماده‌كردووه.
