ئەمریکا هۆشداری لەبارەی دواخستنی هەڵبژاردنی عێراق دەدات
به‌ڕێوه‌چوونى هه‌ڵبژاردن له عێراق | فۆتۆ: AP
SNN
باڵیۆزی ئەمریکا لە بەغدا رایگەیاند: ئەگەرهەڵبژاردنی پەرلەمانی عێراق دوابخرێت ئەوا قەیرانەکانی وڵاتەکە قوڵتردەبن و بارودۆخی وڵاتەکەش ئاڵۆزتر دەبێت.
ماتیو توڵەر لە لێدوانێکیدا بۆ کەناڵی حەدەسی سعودی، وتیشی: “هەڵبژاردن داواکاری بنچینەیی هاووڵاتیانی عێراق بوو، لەبەر ئەوە ئەگەر هەڵبژاردن ئەنجام نەدرێت ئەوا چارەنووسی وڵاتەکە بەرەو شوێنێک دەڕوات کە جێگای نیگەرانی دەبێت”.
توڵەر لە درێژەی قسەکانیدا وتیشی: “بارودۆخی عێراق جیاوازە لە ئەفغانستان بەجۆرێک خاكی هاوبەش لەنێوان ئەو دوو وڵاتەدا نییە”. جەختی لەوەشکردەوە کە ئەرک و سیاسەتی ئەمریکا لە عێراق جیاوازە لەوەی کە لە ئەفغانستان هەیبوو.
ئەم قسانەی توڵەر لەکاتێکدایە بەشێک لە کوتلە سیاسییەکانی عێراق لە هەوڵی دواخستنی هەڵبژاردنەکەدان، رەوتی سەدریش هێشتا هەڵبژاردنەکەی بایکۆت کردووە.
