تاڵیبان لێبوردنی گشتی بۆ سەرۆک و بەرپرسانی پێشووی ئەفغانستان دەرکرد

SNN

بزوتنەوەى تاڵیبان ڕایگەیاند: “لێبوردنی گشتیی بۆ سەرجەم بەرپرسانی حکومەتی پێشوو دەرکرد بە ئەشرەف غەنی، سەرۆکی هەڵهاتووی ئەو وڵاتەشەوە و جەخت دەکاتەوە کە دەتوانن بگەڕێنەوە و لە ئەفغانستان بژین“.

خەلیل ڕەحمان حەقانی کە بەرپرسێکی باڵای تاڵیبانە لە چاوپێکەوتنێکیدا لەگەڵ کەناڵی تەلەفزیۆنی “جیو پاکستان” ڕایگەیاند: “تاڵیبان لێبوردنی گشتی پێشکەش بە سەرۆککۆماری ئەفغانستان و عەمر صاڵح، جێگری سەرۆک کۆماری ئەفغانستان کردووە ئەگەر بیانەوێت بگەڕێنەوە ئەفغانستان”.

هەروەها هانی ئەو ئەفغانیانەی دا کە لەو وڵاتە هەڵدێن کە ئەو کارە نەکەن ، دەشڵێت “ئەو پڕوپاگەندەیەی کە تاڵیبان تۆڵە دەکاتەوە لەلایەن دوژمنانەوە بڵاوبووەتەوە”.

حەقانی بەڵێن دەدات کە هەموو نەتەوەکانی دانیشتووی وڵات هەست بە ئارامی بکەن و وتیشی، “تاجیکان، بەلوچەکان، هەزارە و پشتونەکان هەموویان برای ئێمەن”.